«Тӗнчере тӗрлӗрен кӗнчеле», — теҫҫӗ. Ҫапла, тӗлӗнмелли чылай.
Роб Феререл парикмахер чӑн-чӑн ӳнерҫӗ теме пулать. Анчах вӑл ҫӳҫпе усӑ курса картинӑсем тӑвать. Вӑл АПШри Техас штатӗнче пурӑнать. Унӑн хӑйӗн парикмахерскийӗ пур. Роба пуҫ ҫинче хӑйне евӗр портретсем ӳкерет, ҫавӑнпа ӑна чылайӑшӗ паллать. Ун патне спорт командисен фаначӗсем, мероприяти ертӳҫисем, телекурав ҫӑлтӑрӗсем ҫӳҫ кастарма килеҫҫӗ. Унӑн ӗҫӗ - чӑнах та тӗлӗнмелле боди-арт.
Турцири 17 ҫулти хӗр – чи ҫӳлли. Румеиса Гелги, 2 метр та 13 сантиметр ҫӳллӗшскер, рекордсен Гиннес кӗнекинчен ятарлӑ парнене тивӗҫнӗ.
Джордж Олдрич НАСАра яваплӑ ӗҫе пурнӑҫлать. Ҫук, вӑл эксперт мар. Олдрич шӑршласа пӑхмасӑр пӗр япалана та космоса ямаҫҫӗ. Ӑна «Ноздрядамус» ятпа та пӗлекеҫҫӗ. Вӑл ҫӗр-ҫӗр астронавта хӳтӗленӗ темелле. Мӗнле? Космос карапне вырнаҫтармалли япаласене шӑршласа пӑхса.
Норвегири Тронхейм хули сӑртлӑ вырӑнта ларать. Ку вара велосипедистсемшӗн чӑрмав кӑларса тӑратать. Спортӑн ҫак тӗсне сыхласа хӑварас тесе вырӑнти тӳре-шара ятарлӑ экскалаторсем хута янӑ. Вӗсем велосипедистсене тӑвалла хӑпарма пулӑшаҫҫӗ.
Португалири Агеда хулинче «сунчӑксен тӳпи» пур. Ӳнер инсталяцине Португалири Sextafeira Produҫões компани тунӑ. Ку акци ҫулсерен иртет. Виҫӗ ҫул каялла ӑна пӗрремӗш хут йӗркеленӗ.
Германири Берлин хулинчи Альтен Ферстерай стадион футбол енӗпе иртнӗ Тӗнче чемпионатӗнче кинотеатра ҫаврӑннӑ. Фанатсем унта 750 диван вырнаҫтарнӑ. Унтах пысӑк телевизор лартнӑ. Телевизор патӗнчи стенана обой ҫыпӑҫтарнӑ. Стадиона кирек кам та тӳлевсӗр кӗме пултарнӑ. Анчах вырӑнсене лотерея вылявӗпе салатнӑ. Дивансем ҫине 12 пине яхӑн ҫын ларма пултарнӑ.
<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>
+18.3 °C
