Пĕлтерӳ

■ 2009-06-20 23:47:54 :: 737 Просмотрено

Утă уйăхĕн 5-12 - мĕшĕсенче чăваш халăхĕн паллă вырăнĕсене çитсе курма чĕнетпĕр.
Пирĕн маршрут: Шупашкар – Чĕмпĕр – Самар облаçĕ – Пушкăрт Республики – Тутар Республики– Хусан – Шупашкар.
Телефон: 8-927-667-93-23
«Сăвар» пĕрлешӳ

[Add blog comment (10)]

Comments:

Тимĕрке Митяй 2009-06-22 11:33
	Поездпа кайса килетĕр-и?
Admin 2009-06-22 15:30
	Автобуспа пулĕ... Хăна çурчĕсенче вырнаçмалла пулать пулĕ? Чĕмпĕр, Самар, Пушкăрт, Тутарстан тăрăхĕсемпе çÿренĕ май хăш вырансене çитсе курма май пулĕ? Пăлхар, Пÿлер хулисене, паллă çыравçăсен çуралнă ялĕсене кĕрсе курма май пулĕ-и? Тата çак çулçÿрев мĕн хака ларать?
Тимĕрке Митяй 2009-06-23 11:34
	хăш вырансене çитсе курма май пулĕ? Манăн та кăна пĕлес килеть. P/s Микулай,кун кĕнекинче менле регистрациленмеллине мана ăнлантарса пар-ха,тархасшăн?
Admin 2009-06-23 12:38
	Микулай,кун кĕнекинче менле регистрациленмеллине мана ăнлантарса пар-ха,тархасшăн? «Система» пайра «Кĕр» пур (маларах регистрациленнĕ пулсан), е, регистрациленмен пулсан, «Регистрацилен» каçăпа усă курас пулать.
Тимĕрке Митяй 2009-06-23 19:14
	«Система»... Рахмат, тупрăм :)...
AlinaSt 2009-06-24 11:01
	Паллах, автобуспа каятпăр. Кăçал 20-мĕш хут! Студентсен 1000 тенкĕ тӳлемелле, аслисен - 2000. Ку пачах та хаклă мар, çул укçишĕн те юнĕ. Чи малтанах Çеçпĕл Мишши, Анатолий Миттов, Митта Ваçлейĕ, Геннадий Айхи çуралнă ялсене кĕретпĕр. Çак кунах Чĕмпĕр чăваш шкулĕнче чарăнатпăр, каçхине Самар облаçĕнчи Муром хулашне, Çăлкуç чăваш ялне çитетпĕр. ( Кунти культура çуртĕнче пирĕнпе пынă пултарулăх ушкăнĕ коцерт кăтартĕ). Тепĕр кун Самар облаçĕнчи Ухинкел тĕне кĕмен чăваш ялĕн масарне кайса курăпăр, Пушкăрт Республикинчи Слакпуçа çул тытăпăр. Кунтан инçе мар Силпи улăхĕнче вăйă карти йĕркелĕпĕр, «Нарспи» поэмăна вулăпăр, çăлкуç патĕнче пура лартăпăр. К.В. Ивановпа Я.Г. Ухсай музĕйĕнче пулăпăр,Кĕсле ту çине хăпарăпăр, Хушăлкана та çитĕпĕр. Малалла пире маршрут Тутар Республикине илсе кайĕ. Пӳлерте, Сăварпа Пăлхар хулашĕсенче пулса курăпăр, упранса юлнă истори палăкĕсемпе паллашăпăр. Пӳлерти Валем хуçа сиплĕ шывĕпе çăвăнăпăр, чăваш ячĕсене йышăнăпăр, чӳк туса шӳрпе пĕçерсе çийĕпĕр. Хусанти ар масарне кĕрĕпĕр, Н.И.Ашмарин, Н.В.Никольский вил тăприйĕсем çине чечек кăшăлĕсем хурăпăр. Юлашкинчен тутар çамрăкĕсен пĕрлешĕвĕпе тĕл пулăпăр. =))))))) Нихăш ялта та хăна çурчĕ çук! Çывăрма ял çыннисем хăйсем патне илсе каяççĕ, е шкулта вырăн тупса параççĕ. Чăваш Республикинчен килнĕ хăнасене ытти регионти чăвашсем пысăка хурса хакланине ăнланнăччĕ пĕлтĕр, тараватлă кĕтсе илсе çавăн пекех тараватлă ăсатса яраççĕ. Пырас кăмăллисене 8-927-667-93-23 номерпа шăнкăравласа пĕлтерме ыйтатăп.
Admin 2009-06-25 16:48
	Сирĕнпе çак çулçӳреве кайса килмеллех пулĕ — тахçанах Пӳлере те, Пăлхара та çитсе килес шухăшсем пур. Çитменнине эсир тата чăашăн ытти паллă вырăнĕсене те кăтартатăр — эп унта та пулман. Пĕр Иван Мучин палăкĕ патĕнче пулса курса ĕнтĕ...
AlinaSt 2009-06-25 22:46
	Каймалла-каймалла! Иван Мучин палăкĕ ăçта вара?
Admin 2009-06-26 01:03
	Шупашкар районĕ, Тойтерек (Тойдеряки) ялĕ. Ишек патнелле. http://gallery.chuvash.org/v/chuvas ... sary_rayon/toyterek/ — ак кунта курма пулать. Эп унта Муркаш-Ишек фотосесси вăхăтĕнче пырса лекрĕм. Ялти çынсем палăкне сăрлама шантарчĕç-ха ун чухне... те сăрланă, те сăрламан. Аса илтĕм! Тата Муркаш районĕнчи Ахманере Андрей Петтоки палăкĕ патĕнче пулса.
AlinaSt 2009-06-26 08:56
	Интереслĕ фотосесси! Пăхма кăмăллă пулчĕ.

Add blog comment

Your Name:
Your Comment:
B T U T Headline1 Headline2 Headline3 # X₂ X² Image http://

WWW:

Supported HTML Tags:
<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>