Паян кăçалхи пĕрремĕш кăларăмне илтĕм. Тÿрех палласа илме те май çук. Чăн та Шупашкарта тухакан хаçатсенчен пĕрре те кая мар, хăш-пĕр енĕсемпе лайăхрах та! Вĕсен тата сайтне кирлĕ шая çитермелле те — вара республикăри чи чаплă хаçат пулса тăрĕ. Аттук, «Хыпарĕ», «Хресчен сассийĕ» вĕреннĕ пĕр ним улшăнмасăр, пахалăха ÿстермесĕр ĕçлеме.
Шел те, леш «кризис» текенни çавах вĕсене те пырса тивнĕ — хаçат малашне эрнере иккĕ мар, пĕрре тухма тытăнĕ. Пĕрре тухĕ пулин те калăпăшне самай ÿстернĕ пулас — 12 страницăллă пулĕ.
Халĕ Шупашкарта чăвашла тухакан хаçат иккĕ — «Хыпар» тата «Хресчен сасси». Кунталлах «Сувар» та туртăнать — пичет çурчĕн пĕрремĕш хутĕнчех вĕсен рекламăллă проспекчĕ çакăнса тăрать. Халĕ ĕнтĕ «Тăван Ен» те Шупашкара туртăнать иккен. Тăватă хаçат пĕр-пĕринпе тупăшнинчен мĕн пулса тухĕ-ши? Пахалăхĕ ÿсетех пулĕ. Шанас килет. «Сувар» хаçат, тĕслĕхрен, çак темиçе çул хушшинче самай лайăхланчĕ. «Тăван Енĕн» кăçалхи пĕрремĕш кăларăмĕнче те улшăнусем сисĕнеççĕ. Халĕ ĕнтĕ «Хыпарпа», «Хресчен сассинчен» улшăнусем кĕтмелле?
//эпĕ халĕ «Хыпар», «Тăван Ен» хаçатсем тата «Тăван Атăлпа» «Капкăн» журналсем çырăнатăп. «Суварĕпе» те вĕсен сайчĕ урлă паллашатăп. Малтан тата «Çамрăксен хаçатне» çырăнаттăм та пахалăхĕ тивĕçтерменнине пула çырăнма пăрахрăм.
Эсир мĕн çырăнса илетĕр?
Music: шăплăх, шăплăх çеç кунта...