Ĕнер кăçалхи «Капкăнăн» пĕрремĕш кăларăмне илтĕм. Хăшĕ-пĕри ăна алла маларах та илнĕ пулĕ (çынсен аллинче ытларикунах курнăччĕ) — «Чăвашпичет» киоскне вара ĕнер çеç çитнĕ.
Мĕнех, кăштах лайăхланнă. Мана ку журналта уйрăмах анекдотсен куçăрăвĕсем килĕшместчĕç. «Пире каять» тесе куçăрнă пек туйăнатчĕ. Анекдочĕсене тÿрреммĕн, чăваш шухăшлавне тĕпе хумасăр куçарнăран хăш-пĕрисене ăнланма та май çуккăччĕ. Ара, эпир вырăс чĕлхине те пĕлетпĕр-çке! Куçаран вара анекдотне — ун хыççăн тин мĕнрен кулмалли сисĕнме тытăнать. Пулса тухать вара — тексчĕ чăвашла пулин те ăна вырăсла вуламалла иккен.
2010 çулхи кăрлач уйăхĕнчи кăларăм вара ку енĕпе улшăнса тăрать. Кулăшĕсене вуласа ăнланмашкăн вырăсла куçарма кирлĕ мар.

//ку номерĕ 1500-мĕш. Юбилейлискер. Тен, çавăнпа вĕсем ăна кăлармашкăн лайăхрах тăрăшнă? Нарăсăнне пăхăп-ха кайран.
//çитменлĕхсем пачах та çук мар теесшĕн мар эпĕ. Вĕсенчен пĕри — кăларăмăн вĕçĕнчи страницинче календарь тăрне 6 тигра ÿкерсе хуни. «Хресчен сасси» издательство çурчĕ кăларакан хаçат-журналта чăвашлăх çине таянни сисĕнмест çав. Чăвашлăх туйăнтăр тесен 7-мĕшне ÿкерсе хумаллах пулнă пулĕ?