Канмалли кунсене тепӗр кил хуҫи хӗрарӑмӗсем пӳрт-ҫурта тирпейлесе ирттереҫҫӗ. Ку ӗҫе кӑткӑслатмасӑр пурнӑҫламалли ансат темиҫе меслетпе паллашар
Кран тасатма
Хром кран ӑвӑс хутпа ҫӑмӑллӑн ҫуталать.
Ҫӗтӗк вырӑнне
Урай ҫумалли швабра ҫӗтӗкӗ япӑхса пӗтнӗ пулсан ҫӗннине шыраса лавккана чупмасан та юрать. Ун валли мамӑклӑ нуски каять.
Пӗҫермелли формӑна тасатма
Пӗҫермелли формӑна апат тӑварӗпе сӑтӑрмалла та хут салфеткӑпа тасатмалла.
More...
Ҫитес ҫуркунне мода хӑйне евӗр япаласем сӗнет. Вӗсем хитре те, анчах тӗлӗнтермелли те самай.
Модӑпа килӗшӳллӗн тӑхӑнакансем ҫитес ҫулхи ҫуркунне малтан кӗпе тӑхӑнма юрӗ, унтан — лифчик тата бра-топ. Капла тӑхӑнни ҫӳллӗ шайри люкс тесе шухӑшлаҫҫӗ.
Коллекцири бандажа Нобуёси Араки Япони фотографӗн куравӗпе сӑлтавлаҫҫӗ. Вӑл нумаях пулмасть Парижри мода эрнине пырса ҫитнӗ.
Маларах хипстерсем пулнӑ пулсан халӗ хайпстерсем тухса кайнӑ. Камсем-ха вӗсем?
Пирӗншӗн, ахаль ҫынсемшӗн ют сӑмахпа калакан ҫак йышрисем — хипстерсем — ансӑр джинс шӑлаварпа, чечеклӗ шӑлаварпа, кулӑшла мар ӳкерчӗклӗ футболкӑсемпе ҫӳренӗ. Ҫемҫе хуплашкаллӑ контркультурӑллӑ литература вуланӑ. Латте ӗҫнӗ, инди итленӗ, артхаус пӑхнӑ, сухал ӳстернӗ, уссине явса ҫӳренӗ.
Мускавра, сӑмахран, барбершопсем уҫӑлнӑ, унта сухал валли ӑвӑс сутаҫҫӗ. Кун пек лавкка кирлӗлӗхӗ ҫамрӑксен пысӑк хипстера ҫаврӑнни. Ҫавсенчен хӑшӗсем халӗ оппозици йышне кӗрсе кайнӑ, теприсем интернет-специалистсем пулса ӗҫлеҫҫӗ.
Twitter компани Раҫҫей ҫыннисене кӑҫал уйрӑмах калаҫтарнӑ ҫынсене тата пулӑмсене пӗтӗмлетнӗ. «Новости» Раҫҫейӗн информаци агентстви пӗлтернӗ тӑрӑх, ҫынсенчен Владимир Владимир Путин тата Британи актёрӗ Алан Рикман ытларах пуплеттернӗ. «Евровидение» конкурспа Леонардо Ди Каприона «Оскар» преми пани те Твиттертисен хушшинчи сӑмах-юмах ҫуратнӑ.
Ҫак халӑх сечӗ пӗтӗмлетнӗ тӑрӑх, блогерсен шучӗпе ҫулталӑк ҫынни тесе ҫӗршыв ертӳҫине Владимир Путина каламалла.
Британи актёрӗ Алан Рикман («Гарри Поттер» ҫинчен калакан фильмсен ярӑмӗнче вӑл Северус Снейп рольне калӑпланӑ) ҫулталӑк пуҫламӑшӗнче ракпа вилни те калаҫтарнӑ.
Чӳк уйӑхӗн 5-мӗшӗнче, Шупашкарти В.И. Чапаев скверне йытӑ-кушака хӳтӗлекенсем пухӑннӑ. Вӗсем Раҫҫей Федерацийӗн Пуҫиле кодексӗн 245-мӗш статйине хытарма, тӗнче тетелӗнче вырнаҫнӑ петицисенче алӑ пусма ыйтнӑ. «Эпир ҫакна тивӗҫ мар», «Пирӗн те пурӑнас килет» йышши лозунгсемпе пӗрлех ҫакскерсем Хабаровскра чӗрчунсене шар кӑтартакан икӗ хӗре пуҫиле майпа айӑпламалли йышши плакатсем ҫырса тухнӑ.
Йытӑ-кушак пусса ҫиекенсем пирки Пӗрремӗш каналпа темиҫе кӑларӑм кун ҫутти курнӑччӗ.
Эпир халӗ илсе кӑтартакан Раҫҫейри ҫак ҫичӗ хулана туристсем ахалех хакламаҫҫӗ. Вӗсем пурте — пысӑках мар хуласем, анчах пурин те историйӗпе эткерлӗхӗ пуян. Ҫиччӗшӗ те Мускавпа Питӗртен инҫех мар. Паллашар-ха вӗсемпе.
Псков облаҫӗнчи пысӑках мар ҫак хула Раҫҫей, Беларуҫ тата Латви чиккисем пӗрлешнӗ вырӑнтан инҫех мар ларать. Революциччен Себеж Витебск кӗпӗрнине кӗнӗ. Раҫҫее вӑл 1772 ҫулта лекнӗ. Кӳлӗ ҫинче илемлӗ ҫурутрав та пур. Сабежри вырӑнсем хысӑклӑ та сӑртлӑ.
Юрату ахаль-махаль кӑна сӑмах мар теҫҫӗ ӑна-кӑна пӗлекенсем. Ӑсчахсем те унӑн асамлӑхне тӗрӗслеҫҫӗ, кӑсӑклӑ хӑш-пӗр пӗтӗмлетӳ тӑваҫҫӗ. Вӗсенчен хӑшӗсемпе паллашма уйрӑмах кӑсӑк:
• «Юрату» сӑмаха санскритран куҫарсан вӑл кӑмӑла пӗлтерет теҫҫӗ лингвистсем.
• Юрату мӗнне туйма пӳрмен ҫынсем те пур иккен. Ӑна психотерапевтсем чир тесе шухӑшлаҫҫӗ. Ку амак ячӗ — гипопитуитаризм.
• Юрату чӗрене тата пуҫ мимин центрӗсене ҫулталӑк ытларах кӑна витӗм кӳреет. Мӑшӑрланӑвӑн кахатлӑх вӑхӑчӗ — виҫҫӗмӗш ҫул вӗҫӗпе тӑваттӑмӗш ҫул пуҫламӑшӗ.
Авалхи Греци — тӗлӗнмелле цивилизаци. Унпа ҫыхӑннӑ вӑрттӑнлӑхӗ те, юмах-халапӗ те чылай.
Авалхи Греци тӑватӑ ҫӗр ҫул хушши йӗркеленнӗ: ун валли ӑна пирӗн эрӑчченхи 1700-мӗш ҫултан пуҫласа 700-мӗш таран вӑхӑт кирлӗ пулнӑ. Тӗнче шайне лекиччен ӑна виҫӗ ҫӗр ҫул таран кирлӗ пулнӑ. Греци кун-ҫулӗнчи пӗлтерӗшлӗ вӑхӑт — 776-мӗш ҫул. Шӑпах ун чухне Олимп вӑййи иртнӗ. Ҫав ҫулах унта геометрилле ӳнер стилӗ йӗркеленме тытӑннӑ. Ҫавна тӑм савӑт-сапа тӑрӑх пӗлме пулать.
Авалхи Греци литературинче мифологи пысӑк вырӑн йышӑнать.
Хальхи вӑхӑтри тӗнче шайӗнчи ҫӑлтӑрсен ламран лама пыракан йӑх-несӗлне «РБК стиль» портал тишкернӗ май вӗсенчен хӑшӗсем паллӑран та паллӑ тымартан тухнине палӑртать.
Франко Дзеффирелли Итали режиссерӗ Леонардо да Винчи живописец тата изобретатель йӑхӗнчен тухнӑ. Ку пӗтӗмлетӳ патне Алессандро Веццози тата Агнезе Сабато Итали историкӗсем ҫитсе тухнӑ. Вӗсем да Винчи ҫемйин генеалоги йывӑҫне 40 ҫул тишкернӗ хыҫҫӑн пӗтӗмлетнӗ. Художникӑн вил тӑприҫӗ XVI ӗмӗрте ҫухалнине пула Леонардо ДНК анализне тишкерме май килмен.
Эпир халӗ калакан пуянсем виҫӗ ҫӑлтӑрлӑ Мишленлӗ (ку паллӑна тивӗҫнинче апатланма питӗ хаклӑ) илнӗ ресторанта ир те, каҫ та ҫиме пултараҫҫӗ. Вӗсем, паллах, тӗрлӗ меню суйлаҫҫӗ. Ҫапах та пӗрпеклӗх те пур вӗсен: чылайӑшӗ гамбургер, фри ҫӗрулми, ҫиелтен шӑккӑлат сапнӑ мороженӑй юратать.
«РБК Стиль» миллионерсем мӗнпе апатланма кӑмӑлланине тишкернӗ те ҫакӑн пек пӗтӗмлетӳ патне ҫитсе тухнӑ.
Уоррен Баффет миллиардера Forbes журнал ҫӗр ҫинчи чи пуян ҫынсенчен виҫҫӗмӗш вырӑн панӑ.
+17.3 °C
