Chuvash People's Site — History, Antiquity, Faith, Tales, Traditions, Songs, Literature, Language, Environment, People. You Can Also Learn Chuvash Language. http://en.chuvash.org en p-code@mail.ru (Nickolay Plotnickov) p-code@mail.ru (Nickolay Plotnickov) Tue, 24 Feb 2004 16:49:44 GMT Tue, 24 Feb 2004 16:49:44 GMT Nation http://backend.userland.com/rss http://en.chuvash.org/news/1815.html <p>Çăмран чăлха çыхма е кăçатă йăвалама çеç мар, чăн-чăн юмах тĕнчи йĕркелеме пулать. Чăваш Патшалăх ӳнер музейĕнче Мускавра пурăнакан Ирина Андреева художникăн хăйне евĕрлĕ скульптурисен куравĕ уçăлчĕ. Вĕсене кĕççерен ăсталанă. </p>

<p>Курав ахальтен мар «Ăшă кун» ятлă. Кунти экспонатсене пурне те кĕççе усă курса хатĕрленĕ. Кĕççерен тунă япаласем этеме хĕл сиввинчен хăтăлма пулăшаççĕ. Маçтăрăн кĕççерен ăсталанă экспоначĕсем те куракана ăшă туйăм парнелеме пултараççĕ.</p>

<p>Ирина Андреева 17 çул каяллах çăмран кĕççе пусса тĕрлĕ скульптурă калăплама пуçланă. Унăн сăнарлă пуканисем кашни çулах тĕнче шайĕнче иртекен фестивальсенче малти вырăнсене йышăнаççĕ.</p>

<p>Художникăн тĕлĕнмелле ĕçĕсем куракана илĕртеççĕ. Сцена пек туса хатĕрленĕ кашни экспонат ― хăйне евĕрлĕ пĕчĕк юмах.</p>

<p>Çак куçа илĕртекен йăваш кӳлепесем чунра ырă туйăм вăратса ăшăтаççĕ. Курав <a href='/e/d0a8d183d0bfd0b0d188d0bad0b0d180d182d0b0'>Шупашкарта</a> раштавăн 5-мĕшĕччен пулĕ.</p> 13.11.2011 16:36 http://en.chuvash.org/news/1815.html http://en.chuvash.org/news/1819.html <p>Чӳкĕн 8-мĕшĕнче <a href='/e/d09ad180d0b0d181d0bdd0bed0b0d180d0bcd0b5d0b9d181d0bad0b820d180d0b0d0b9d0bed0bdc495d0bdd187d0b5'>Красноармейски районĕнче</a> <a href='/e/d0a7c483d0b2d0b0d18820d0a0d0b5d181d0bfd183d0b1d0bbd0b8d0bad0b8d0bd'>Чăваш Республикин</a> Элтеперĕ <a href='/e/d09c2ed0922e20d098d0b3d0bdd0b0d182d18cd0b5d0b2'>М.В. Игнатьев</a> ĕçлĕ çулçӳревпе пулчĕ.</p>

<p>Кăнтăрла иртсен чи малтанах Михаил Васильевич тулли мар яваплă «Чесла» тата «Чесла — АСТ» пĕрлешӳсене çитрĕ, вĕсенче ĕçлекенсемпе курнăçрĕ. Ку пĕрлешӳсем 2004–2005 çулсенченпе ĕçлеççĕ, çĕршывĕпех саланакан атă-пушмак хатĕрлеççĕ, предприятисенче 92 тата 86 çын вăй хураççĕ. «Ю.А. Дурасов ырă тĕслĕх кăтартакан ертӳçĕ. Вăл çакнашкал производство йĕркелесе чылай çын валли çĕнĕ ĕç вырăнĕсем туса хунă», — палăртрĕ Элтепер. </p>

<p>Унтан çул çĕнĕрен тăвакан «Трак керамики» заводалла выртрĕ. М.В. Игнатьева кунти ĕçсемпе хупă йышши «ТУС» акционер обществин тĕп директорĕ Н.Ф. Угаслов паллаштарчĕ. Николай Федорович каланă тăрăх, строительство ĕçĕсем кăçалхи кăрлачра пуçăннă, çулталăкра 60 миллион штук керамика кирпĕчĕ кăларма тытăнакан завода 2012 çулта туса пĕтермелле, пĕрремĕш продукцие вара 2013 çулта кăлармалла, унăн хакĕ аякран кӳрсе килекеннинчен чылай йӳнĕрех пулмалла. Строительсемпе сăмахланă май, Михаил Васильевич вĕсен ĕç условийĕсемпе те интересленчĕ. </p>

<p>Виççĕмĕш тĕлпулу тулли мар яваплă «Чулхула Газпром трансгаз» пĕрлешӳ филиалĕнче — «Заволжски ЛПУМГра» иртрĕ. Унăн директорĕ С.А. Александров Элтепере предприяти ĕçĕ-хĕлĕ çинчен каласа пачĕ. Филиал ĕçченĕсен ыйтăвĕсене хуравланă май, Михаил Васильевич ялти çамрăк специалистсене пулăшу кӳмелли программăсем, демографи лару-тăрăвне лайăхлатассипе, ача пахчисен нушисене татса парассипе çыхăннă ыйтусем çинче чарăнса тăчĕ. </p>

<p>Çӳлерех асăннă коллективсенче Чăваш Ен Элтеперĕпе М.В. Игнатьевпа пĕрле район пуçлăхĕ-район депутачĕсен Пухăвĕн председателĕ В.Н. Григорьев, район администрацийĕн пуçлăхĕ В.В. Александров, <a href='/e/d09ad180d0b0d181d0bdd0bed0b0d180d0bcd0b5d0b9d181d0bad0b820d18fd0bb20d182c483d180c483d185c495d0bd'>Красноармейски ял тăрăхĕн</a> пуçлăхĕ Э.Ю. Ермаков, ЧР юстици министрĕ Н.В. Прокопьева, ЧР Патшалăх Канашĕн депутачĕсем — <a href='/e/d0a8d183d0bfd0b0d188d0bad0b0d180d182d0b820d0bad0bed0bed0bfd0b5d180d0b0d186d0b820d0b8d0bdd181d182d0b8d182d183d187c495d0bd'>Шупашкарти коопераци институчĕн</a> ректорĕ В.В. Андреев тата уçă йышши «Чăваш бройлерĕ» акционер обществин генеральнăй директорĕ В.И. Николаев пулчĕç. </p>

<p>Унтан Михаил Васильевич район администрацийĕн çурчĕн ларусен залĕнче «Красноармейски районĕн 2011 çулхи 9 уйăхри экономикăпа социаллă пурнăç аталанăвĕн итогĕсем, 2020 çулчченхи стратегине пурнăçласси мĕнле пыни, вăтам тата нумай вăхăтлăх тапхăрсем валли тăракан задачăсем çинчен» темăпа район активĕпе канашлу ирттерчĕ. Çак ыйтупа унта район администрацийĕн пуçлăхĕн <a href='/e/d0922ed0922e20d090d0bbd0b5d0bad181d0b0d0bdd0b4d180d0bed0b2c483d0bd'>В.В. Александровăн</a> докладне итлесе сӳтсе яврĕç. Пухăннисен умĕнче ЧР экономика аталанăвĕн, промышленноçпа суту-илӳ министрĕн çумĕ А.А. Быченков, Раççей Перекет тата Ял хуçалăх банкĕсен републикăри филиалĕсен представителĕсем, ыттисем тухса каларĕç. </p>

<p>Ĕçлĕ çулçӳреве пĕтĕмлетнĕ май, Чăваш Ен Элтеперĕ хăш-пĕр организацисен ĕçĕ-хĕлĕнчи уйрăм çитменлĕхсене, пĕчĕк тата вăтам бизнеса аталантарассипе тĕллевлĕрех вăй хумаллине кăтартса хăварчĕ. </p>

<p>Юлашкинчен <a href='/e/d09c2ed0922ec2a0d098d0b3d0bdd0b0d182d18cd0b5d0b2'>М.В. Игнатьев</a> нумай çул тӳрĕ кăмăлпа вăй хунăшăн тулли мар яваплă «Таябинка» Агрофирма» пĕрлешӳ трактористне О.Ю. Васильева тата <a href='/e/d09ad180d0b0d181d0bdd0bed0b0d180d0bcd0b5d0b9d181d0bad0b8d0bdd187d0b8'>Красноармейскинчи</a> вăтам шкул учительне Л.Ю. Илларионовăна Чăваш Республикин Элтеперĕн Тав хутне пачĕ.</p>

<p> </p>

<p><a target='blank' href='http://chuv-krarm.3dn.ru/blog/chavash%5fen%5fprezidenche%5fm%5fv%5fignatev%5ftrak%5fenre/2011-11-13-14'><b>Видео</b></a>, <a target='blank' href='http://gov.cap.ru/Home/67/news/2011/11/prezident/index.htm'><b>Сăнсем</b></a> (64)</p> 13.11.2011 12:37 http://en.chuvash.org/news/1819.html http://en.chuvash.org/news/1820.html <p>Шăматкун, чӳкĕн 12-мĕшĕнче, пирĕн сайтсем пĕр вăхăт ĕçлемесĕр тăчĕç. Сăлтавĕ «Агава-Север» хостинг площадкинче пулса иртнĕ пăтăрмахра пулчĕ. Серверсене вырнаçтарма май паракан хостер пĕлтернĕ тăрăх планпа UPS (электроэнергипе тикĕс тивĕçтерекен система) тĕрĕсленĕ вăхăтра кăлтăк тухнăран вĕсен патĕнче вырнаçнă серверсен пĕр пайĕ электроэнергисĕр юлнă. Çав шута пирĕнни те кĕнĕ.</p>

<p>Электроэнергипе тивĕçтерме пуçланă хыççăн пирĕн серверти MySQL сервер тапранаймарĕ. Сăлтавĕ унта вырнаçнă дисксенчен пĕри (вĕсем RAID массивра ĕçлеççĕ) юрăхсăра тухнинче пулчĕ. Кĕтмен çĕртен сӳнтернĕрен файл системинче йăнăшсем сиксе тухрĕç — пĕлĕм пухмачĕн пайĕнче те пулчĕç вĕсем. Шăп çав йăнăшсене пула ĕнтĕ MySQL ĕçлеймесĕр тăчĕ.</p>

<p>Халĕ сайтсем ĕçлеççĕ (хăшĕ-пĕринче кăна кăлтăксем халĕ те пур). Даннăйсене çухатассинчен хăрушлăх çук — пирĕн архивсем те пур, дискĕсем те RAID массивра (пĕри юрăхсăра тухни темех мар). Кăлтăклă диска вара çитес вăхăтра çĕннипе улăштарăпăр.</p> 12.11.2011 22:44 http://en.chuvash.org/news/1820.html http://en.chuvash.org/news/1814.html <p>Çĕнĕ юрăсемпе çĕнелнĕ «ASAMAT» эстрада ушкăнĕ раштавăн 1-мĕшĕнче Филармони залĕнче савăнăçлă концерта йыхравлать.</p>

<p> </p>

<p>Билетсем туянмалли номер: 8(919)650-42-93, 8(967)470-44-46 Леонид.</p> 12.11.2011 16:29 http://en.chuvash.org/news/1814.html http://en.chuvash.org/news/1812.html <p><a href='/e/d0a7c483d0b2d0b0d18820d0a0d0b5d181d0bfd183d0b1d0bbd0b8d0bad0b8d0bdd0b5'>Чăваш Республикине</a> суя акцизлă маркăллă эрех-сăра илсе килнине палăртнă. Çакна Республика элтеперĕ ирттернĕ правительствă комиссийĕн ларăвĕнче сӳтсе яврĕç.</p>

<p>Эрех-сăран суту-илĕвĕн çаврăнăшĕ çине <a href='/e/d09cd0b8d185d0b0d0b8d0bb20d098d0b3d0bdd0b0d182d18cd0b5d0b2'>Михаил Игнатьев</a> хирĕçлесе пăхрĕ. Тĕрĕслевсем ирттернĕ хыççăн хăрушсăрлăха тивĕçтермен продукцин пайĕ кăçал 1,3 процента çитнĕ. Çакна çирĕплетсе пама Республика пуçлăхĕ лавккаран тĕрлĕ марккăллă 2 кĕленче эрех илсе килсе пама ыйтнă.</p>

<p>Чăваш Республикин акцизĕпе тухакан эрех кĕленчи çинче марка суя пулнă иккен. Эрех суту-илĕвне йĕркелесе тăракан федераллă служба пĕлтернĕ тăрăх, кун йышши акцизлă марка пач çук.</p>

<p>«Çак кĕленчене Республикăна илсе килнĕ чух вăл 35 тенкĕ тăнă, лавккара вара ăна халĕ 95-100 тенкĕпе сутаççĕ», — терĕ Михаил Игнатьев, эрех-сăран çаврăнăшне йĕркелесе тăракан саккуна çирĕплетме хушрĕ.</p> 12.11.2011 12:10 http://en.chuvash.org/news/1812.html http://en.chuvash.org/news/1818.html <p>«Экстремизма хирĕçлекен» саккунпа килĕшӳллĕн Раççейре экстремизма тата фашизма ӳкĕтлекен ĕçсене сарма чарнă. <a href='/e/d0a8d183d0bfd0b0d188d0bad0b0d180d182d0b0'>Шупашкарта</a> пурăнакан 25-ри Юлия Бабенко саккуна пăхăнасшăн пулман, е ăна йĕркене пăснишĕн явап тытма тивни пач хăратман. Вăл 2010-мĕш çулта ака уйăхĕнче интернет сайтĕнче экстремизла ĕçсем сарнă, Адольф Гитлерăн «Майн кампф» ĕçне те пичетлесе кĕртнĕ. Хĕрарăма курайманлăхпа тăшманлăха агитациленĕшĕн айăпланă. Суд ăна 100 сехетлĕх тивĕçлĕ ĕçсем пурнăçлаттарма йышăннă.</p> 12.11.2011 08:01 http://en.chuvash.org/news/1818.html http://en.chuvash.org/news/1805.html <p><a href='/e/d0a7c483d0b2d0b0d18820d0bdd0b0d186d0b820d0bad0bed0bdd0b3d180d0b5d181c495'>Чăваш наци конгресĕ</a> чи хастар ĕçченсене пĕрле пухса чыслассине йăлана кĕртнĕренпе 3 çул çитрĕ. Тĕрлĕ професси çыннисем ырă сăмаха, парнесене тивĕçеççĕ тата паллă эстрада артисчĕсен пултарулăхĕпе киленеççĕ. Хальхинче уяв хăнисем çурт-йĕрпе комуналлă хуçалăх ĕçченĕсем пулчĕç.</p>

<p>Кашни çын хăйĕн пурнăçне тĕрĕс-текел, хăтлă пурăнса ирттересшĕн. Коммуналлă хуçалăх ĕçченĕсем шăпах çав условисене туса паракансем. <a href='/e/d0a7c483d0b2d0b0d18820d0bdd0b0d186d0b820d0bad0bed0bdd0b3d180d0b5d181c495'>Чăваш наци конгресĕ</a> вĕсене чысласа патшалăх филармонийĕнче «Юрă-кĕвĕ пĕтĕм чунтан» ятлă уяв ирттерчĕ.</p>

<p>Кăçал çакнашкал уява 4-мĕш хут йĕркелерĕç. Унччен учительсемпе воспитательсене, тухтăрсене, чăваш чĕлхи учителĕсене чысланăччĕ. Коммуналлă хуçалăх ĕçченĕсем те йышлăн пухăнчĕç — кашни районтанах килнĕ. </p>

<p>Уява килнисене Чăваш Республикин строительство министрĕ Александр Гончаров саламларĕ. «Эсир пирĕн килте яланах газ, шыв, çутă, ăшă, урамсем, картишсем, подъездсем таса, парксемпе скверсенче канма кăмăллă пултăр тесе тăрăшатăр, — терĕ министр, — Чыс та хисеп сире çавăншăн». Уява йĕркелекенсем пухăннисене кучченеçсемпе савăнтарчĕç, ĕçре палăрнисене хисеп хучĕсемпе чысларĕç. Эстрада артисчĕсем хăнасене юрă-кĕвĕ парнелерĕç.</p>

<p>Чи хастарисене чыслас йăлана <a href='/e/d0a7c483d0b2d0b0d18820d0bdd0b0d186d0b820d0bad0bed0bdd0b3d180d0b5d181c495d0bd'>Чăваш наци конгресĕн</a> ĕçченĕсем малашне те тытса пыма шантарчĕç.</p> 11.11.2011 18:34 http://en.chuvash.org/news/1805.html http://en.chuvash.org/news/1816.html <p>Хăйне евĕрлĕ кунсенче пĕрлешес йăлана çамрăксем хальхинче те тытса пычĕç. Паян — виçĕ вунпĕрлĕ кун — 2011-мĕш çулти 11-мĕш уйăхĕн 11-мĕш кунĕнче тĕп хулари 45 мăшăр хуйхи-суйхине тата савăнăçне пĕрле пайлама сăмах пачĕç. Аса илтеретĕп, виçĕ 9 пĕлтерĕшĕн асамлăхне 22, çиччĕсен ăнăçлăхне 89 мăшăр ĕненнĕ. 2008-мĕш çулти августăн 8-мĕшĕнче вара 103 çамрăк пĕрлешнĕ. </p> 11.11.2011 14:54 http://en.chuvash.org/news/1816.html http://en.chuvash.org/news/1811.html <p><a href='/e/d0a8d183d0bfd0b0d188d0bad0b0d180d182d0b0'>Шупашкарта</a> Çĕршыври çамрăк самбистсем Чăваш Республикин президенчĕн кубокĕшĕн кĕрешрĕç. Кунта вăй виçме Раççейри 11 тăрăхран тата Казахстанран, пĕтĕмпе 200 ытла спортсмен килнĕ. </p>

<p>Йăлана кĕнĕ турнир <a href='/e/d0a8d183d0bfd0b0d188d0bad0b0d180d182d0b0'>Шупашкарта</a> 5-мĕш хут иртрĕ. Ăмăртура самбистсем турнир наградисемсĕр пуçне çитес çул Можайск хулинче иртекен Раççей чемпионатне хутшăнма май паракан путевкăсене тивĕçессишĕн кĕрешрĕç. Самбо чăваш кĕрешĕвне аса илтерет. Çавăнпа та пирĕн спортсменсем пысăк çитĕнӳсем турĕç. Çавăнпа пĕрлех хĕрсем те ăмăртура хăйсене кăтартрĕç. Турнир икĕ куна пычĕ. Кĕрешĕве хутшăннă 33 командăран президент кубокне чăваш паттăрĕсем çĕнсе илчĕç. Пĕтĕмпе пирĕн командă пуххинче 9 медаль — 1 ылтăн, 4 кĕмĕл тата 4 бронза. Пĕртен-пĕр ылтăн медале <b>Артем Щербаков</b> тивĕçрĕ. Çĕнтерӳçĕсемпе тренерсене Республика элтеперĕ <a href='/e/d09cd0b8d185d0b0d0b8d0bb20d098d0b3d0bdd0b0d182d18cd0b5d0b2'>Михаил Игнатьев</a> саламларĕ, малалла та çитĕнӳсем тума сунчĕ.</p> 11.11.2011 11:48 http://en.chuvash.org/news/1811.html http://en.chuvash.org/news/1808.html <p>Раççейре «Вилĕме ăçта сутнине пĕлтер» акци пырать. Унта <a href='/e/d0a7c483d0b2d0b0d18820d0b5d0bd'>Чăваш ен</a> те хутшăнать. Унăн тĕллевĕ наркотиксене хирĕç кĕрешес ĕçе çынсене явăçтарасси. Çавна май талăкĕпех шанăç телефонĕсем ĕçлеççĕ. </p>

<p>Наркотиксене ăçта сутнине <b>23-01-00</b> е <b>23-01-06</b> номерсемпе шăнкăравласа пĕлтерме пулать. Унсăр пуçне Республикăри наркологи диспансерĕ те шăнкăравсем йышăнать. <b>62-63-63</b> е <b>58-03-84</b> телефонсемпе тухтăрсенчен сĕнӳ-канаш ыйтма май пур.</p> 11.11.2011 10:57 http://en.chuvash.org/news/1808.html