Sign in | Sign Up | Signing in will enable you to post comments and send messages to the users.
 +4.3 °C
Глаза дружбы редко ошибаются.(Вольтер)
 

Ad

Agabazar: Атнер тени мӗн тени?

Agabazar22.08.2018 14:1913945 views

"Тилли кӑна Тилли тееҫҫӗ, Тилли камне пӗлмеҫҫӗ..." (Петӗр Хусанкай, "Тилли юррисем").

А.П.Хусанкай ҫынсем умӗнче калаҫни. Чӑваш наци конгресӗн I Пухӑвӗ. Унпа юнашар — Э.А. Кубарев, В.Н. Викторов

29, август, 1991-мӗш ҫул. Чӑваш ССР Аслӑ Канашӗ ытларах сасӑпа – 171 сасӑ 200-тен – Чӑваш республикин президенчӗн постне туса хунӑ.

8, декабрь, 1991-мӗш ҫул: Чӑваш республикин Президентне суйлани: суйлавҫӑсен 58,6% хутшӑннӑ. 22, декабрь, 1991-мӗш ҫул. Иккӗмӗш сасӑлав: хутшӑннӑ электорат 56,7%. Пуринчен ытларах сасӑ пухни — А.П. Хусанкай. Анчах та вӑл пурпӗрех Президент пулса тӑрайман. Сӑлтавӗ — ун чухнехи саккун хӑйевӗрлӗхӗ. Урӑхла каласан, енчен те саккун кӑшт урӑхларах пулнӑ пулсан, Атнер Петрович Чӑваш республикин пӗрремӗш Президенче пулса тӑратчӗ.

Ҫак пулӑм хыҫҫӑн президентлӑх институчӗ пирки пӗр вӑхӑт шавлама пӑрахнӑ (мораторий). Ҫапах та тепӗр ҫулталӑкран Чӑваш Ен Президенчӗн суйлавӗ ҫӗнӗрен пулса иртнӗ-иртнех. Н.В.Фёдоров ҫӗнтернӗ.

А.П.Хусанкай.

Мӗнлерех хаклама пуллать-ха ҫак пулӑмсене паянхи кун ҫӳллӗшенчен?

Енчен те А.П.Хусанкай чӑнласах Президент пулса тӑнӑ пулсан, ҫакӑ пирӗн пурнӑҫра мӗнлерех витӗм хӑварма пултаратчӗ?

Ман шутпа, нумаях тытӑнса тӑраймастчӗ пуль. "Ҫисех" яратчӗҫ пулмалла ӑна юлашкинчен. Апла пулин те, чӑваш историйӗнче ку тӗлӗшпе тивӗҫлӗ йӗр юлатчӗ. Тен, хӑшпӗр питӗ кирлӗ ӗҫсем туса юлма ӗлкӗретчӗ пулӗ. Ҫапах та йӗр тени пурпӗрех юлнӑ. Вӑт ҫав йӗрсем пирки калаҫни халӗ питӗ вырӑнлӑ пек.

Чӑн малтанах ҫакна каламалла. Ҫынсем А.П. Хусанкай кам иккенне ун чухнех питӗ лайӑх пӗлнӗ. Никам та ку тӗлӗшпе пӑтрашӑнман. Туссем те, тӑшмансем те. Чӑваш халӑхӗн аталанӑвӗшӗн чӑнласах тӑрӑшакан ҫын. Эппин, ҫынни унашкал пулсан, унӑн политикӑлла программи те ҫавӑн пекех ӗнтӗ! Курӑр-ха, ҫавӑн пек ҫыншӑн сасӑлама ун чухнехи чӑвашсем пачах та хӑраман! Вӑт ҫакӑ пулать те ӗнтӗ хайхи суйлавӑн тӗп урокӗ.

Чӑн та, тепӗр ҫулхи пулса иртнӗ Чӑваш Президенчӗн суйлавӗнче Атнер Петрович Хусанкай нумай сасӑ пухайман. Ку та — ҫав тери пысӑк, ылттӑнран та хаклӑрах урок! Мӗншӗн тесен вӑл пурнӑҫ улшӑнса пынӑ май чӑвашсем А.П.Хусанкай программинчен хӑрама пуҫланине пӗлтерет. (Хӑйсен унчченхи суйлавӗнчен хӑйсем хӑраса ӳкнӗ...) Ҫын вӑл, — чи "ахалли", чи айванни пулсан та, — пурнӑҫ еплерех улшӑнса пынине пит аван сисет ҫав. Ҫил ӑҫталла вӗрни яланах питӗ паллӑ. Вӑт ҫапларах пирӗн интерпретаци.

Тивӗҫлӗ чухлӗ сасӑ пухаймасса пӗле тӑркач суйлава тухма кирлӗ пулнӑ-ши? "Кирлӗ пулман," — теҫҫӗ хӑшӗсем. Эп апла шутламастӑп. Хайхи ку суйлавра тупнӑ асӑннӑ иккӗмӗш урокшӑн та пулин тухмаллах пулнӑ суйлава! Тӗрӗс тунӑ!

Ку пӗчӗк хыпарта эпӗр А.П.Хусанкай Чӑваш наци конгресӗн Пӗрремӗш Президенчӗ чухне хӑйне еплерех кӑтартни пирки нимех те каламарӑмӑр-ха халлӗхе.

Хальхи вӑхӑтра унӑн "Чӑваш наци конгресӗн Хисеплӗ Президенчӗ" текен статус е титул пур. Ку статус ӑна нименле пайта та кӳмест. Ачах та вӑл кӑштах та пулин чӑваш халӑх ячӗпе те калаҫма, сӑмах хушса хума май парать. Паллах, Атнер Петровичӑн хӑйӗн кӑмӑлӗ пур пулсан.

 
Editorial note: The publication of articles does not mean that the editorial board shares the opinion of its authors.
[Comments (38)]

Comments:

Ялтан // 9259.3.8429
2018.11.17 17:36
Тĕлĕнмелле "хутне кĕрекен". Президент пуласшăн пулнă та "хутне кĕнĕ". Пулайман та "хутне кĕме" пачах пăрахнă пулса тухать? Халăх уншăн сасăланă пулсан та мĕншĕн çавăн пек тунă вăл? Немцов ун пек туман. Навальный те ун пек тумаç. Дежурный "кандидатсем" кăна çавăн пек тăваççĕ. Нихăш енчен те политик пулман.
Микула // 9259.3.8429
2018.11.18 14:18
Патша(президент) пулса,шупăр тăхăнса, кĕрекере ларас текенсем пулманнине ĕненмес. Паян та тархан грамотине паракан пур теççĕ. Тен Николай Плотникова ,патши пур пулсан, каган ятне парас? Кагана суйламалли йĕркесене пĕлетпĕр,çĕклеме те кавир тупăпăр? Темле пулсан та патшаран аслăрах пулĕ ?
Микула // 9259.3.8429
2018.11.20 15:30
"К сожалению, уровень мышления у чувашей остаётся провинциальным — "ял шухăшлавĕ", как говорится".
На слова Атнера,слова Яковлева.
"Сильные люди борются за то, чтобы прославить родной народ, сделать его великим. Они понимают, что отсутствие собственных достоинств нельзя маскировать достоинствами нации». От себя добавлю .Собственные недостатки нельзя перекладывать на народ.
Agabazar // 1695.13.7169
2018.11.20 17:39
Agabazar
Ялтан // 9259.3.8429
2018-11-17 17:36
Тĕлĕнмелле "хутне кĕрекен". Президент пуласшăн пулнă та "хутне кĕнĕ". Пулайман та "хутне кĕме" пачах пăрахнă пулса тухать? Халăх уншăн сасăланă пулсан та мĕншĕн çавăн пек тунă вăл?

==========================================


Эс ухмах-и, ăслă-и?

"Пулайман" хаççăн — президент суйлавĕ тĕлĕшпе мораторий тунă.
Мораторие пăрахăçласан — тепĕр хут суйлав ирттернĕ. Вăл суйлав Атнер Хусанкайшăн ăнăçлă пулман. Пĕр-ик процент çеç пухнă.

Çĕрпÿ районĕнчен каллех депутат пулма хăтланса пăхнă. Анчах та пулайман.

Икĕ ăстрăм Наци конгресĕн Президенчĕ.


Малтан пĕл — унтан калаç.
Agabazar // 1695.13.7169
2018.11.20 18:06
Agabazar
Атнер Хусанкай ку "ялтан" текеннин "хутне кĕме" парахнă тет иккен-ха.

Ах, мĕн тери шалккă çав ачана! Атнер Хусанкай ун хутне кĕме пăрахнă тит!
Микула // 9259.3.8429
2018.11.20 19:37
Ялтан тенине шеллеме кирлĕ мар пулĕ. Вăл президент пуласшăн пулман. Ялтанах пулсан пурнăç мĕнне пĕлет ? Теплицăри çимĕç пек çитĕнмен, сиввине те ăшшине те курнă? Кăштах çиль вĕрсенех,хĕвел пытансанах "К сожалению, уровень мышления у чувашей остаётся провинциальным — "ял шухăшлавĕ" тесе ÿпкелешмен. Президент пуласшăн пулнă пулсан малтан ăнланмалла пулнă ,пур халăхшăн та "базис"-экономика. Чăваш халăхĕ те çавах,ăна уйăрмалла мар. Наци ирĕклĕхĕ экономика ирĕклĕхĕнчен пуçланать. Чăваш чĕлхи статусĕ пирки уйрăммăн мар яланах экономика ыйтусемпе çыхăнтарма пĕлмелле. Каланă сире, Атнертен паян чăвашла ÿстермелли ача сачĕсем кирлĕ тенине илтмен пулсан , Эхветкассинчи чăвашсем те ăна курман пулсан... Сăмах май ыттисене те курман. Халăха тиркесе пĕр сăмах та ан калăр. Мода ильнĕ халăха тиркеме.Министăрсене халăх килĕшмеç,тахçанхи президента килĕшмен... Нарцис чирĕ сирĕн тен пуçланнă ?
Agabazar // 2948.14.7857
2018.11.20 20:15
Agabazar
Атнер Петрович Хусанкай хальхи вăхăтра мĕн калани ниме те пĕлтермест.

Авă, Иосиф Димитриев вилсе кайрĕ те, ĕнтĕ халь тин ним те калаяс çук çăвар уçса.

Ан каппайлан, Микула, санпа маншăн та çитет вăл çав самант — шăплăх тĕнчине ăсанасси. Е Хĕвел сÿничченех сÿпĕлтетсе пурнасса шанса тăратăн-и?
Микула // 9259.3.8429
2018.11.20 20:50
Пурăнаканнин яланах малалла пăхмалла. Кукамай, 96 çулччен пурăннă пулсан та нихăçан та алăсене усман. Яланах, кайнисемшĕн кулянмалла мар теччĕ,кулянсан унта вĕсене йăвăр теччĕ. Яланах чăвашăн тĕплĕ пулмалла теччĕ.Халăхра Тÿрĕ Анни тесе каланă ăна. Пулницăна кайнă пулсан татах та пурăннă пулĕччĕ,анчах та Хветĕркке ильме кильчĕ ,кĕтсе ывăнчĕ полĕ терĕ,пулницăна кайма килĕшмерĕ. Хветĕркке ,пĕрремĕш упăшки, ăна 1917 çулта "Хусан уйĕнче" персе пăрахнă. Чăвашсен тĕнĕпе, пĕрремĕш упăшки , Торă çырни полнă. Кукамай яланах калатчĕ ,мĕн кирлине Хĕвелтен ыйт тесе. Чăваш хĕрарăмĕ çинче ытларах тăрать пулмалла Чăваш Тĕнчи. Чăн чăваш арçыннисем ытларах çапăçусенче пĕтнĕ пулас.
Тата. Чĕлхене калаçма тунă,ĕçе пуçличчен мĕн тăвассине пĕлес пулать. Малтанхи йăнăшсене ăнланас пулать. Сăнчăрне татма халлĕхе вăй çитмесен те сăнчăрĕ çине сурма хушнă,тутахать те татăлать. Анкулян Акапасар.
Agabazar // 3379.19.2643
2018.11.21 12:32
Agabazar
Ниччава, Микула, мĕнле те пулин хĕрĕх çула пурăнса çитен пурпĕрех!
Микула // 9259.3.8429
2018.12.10 13:15
Микула раттинче арçынсем тăхăрвунă çултан иртекунсем чылай. Темиçе вăрçă витĕр чĕрĕ-сывă тухма пултарнă пулсан ,тен эпир те аптрамăпăр,Акапасар.

Pages: 1, 2, 3, 4

Comments

Your Name:
Your Comment:
B T U T Headline1 Headline2 Headline3 # X2 X2 Image http://
WWW:
ĂăĔĕÇçŸÿ
Symbols used: 0 symb. Maximum symbols: 1200 symb.
CLICK HERE to choose from a number of free Chuvash keyboard layout software.
 

Supported HTML Tags:

<i>...</i> <b>...</b> <u>...</u> <s>...</s> <a>...</a> <img> <h1>...</h1> <h2>...</h2> <h3>...</h3> <pre>...</pre> <sub>...</sub> <sup>...</sup> <ul> <ol> <li>

Orphus

In Other Languages

Banners

Counters