Мирун Еник


Мирун Еник (Романов Мирон Романович) — чӑваш ҫыравҫи, тӑлмачӗ. 1914 ҫулхи ҫурла уйӑхӗн 27-мӗшӗнче Вӑрмар районӗнчи Пысӑк Енккасси ялӗнче ҫуралнӑ.

1931–1933 çулсенче чăвашсен Мускаври «Коммунар» хаçачĕн редакцийĕнче промышленноçпа транспорт пайне ертсе пынă. 1934-мĕш çулсенче тăван район хаçачĕн редакцине ĕçлеме кĕнĕ. Тӑван ҫӗршывӑн Аслӑ вӑрҫи пуҫлансан унта тухса кайнӑ, Карели фронтĕнче çапăçнă. Аслă Çĕнтерӳ хыççăн Чӑваш кӗнеке издательствинче вӑй хунӑ, «Хыпар» хаçатра яваплă секретарь, аслă куçаруçă пулса ĕçленĕ.

Унăн «Çул çинче», «Каçхи атака», «Арманта» тата ытти калавсем пичетленнĕ. Мирон Еник ҫавӑн пекех илемлĕ литература хайлавĕсене куçарнипе те паллӑ.


Хайлавĕсем