Ӳссе пытăр тус-тăванлăх...

Дмитрий Храмов | Сăвă | 488


Ӳссе пытăр тус-тăванлăх

Хамăр савнă таврара.

Тăрăшса ĕçлетĕр халăх,

Сывлăх пултăр пурнăçра.

 

Ырра куçтăр хамăр халăх,

Ĕç çĕклетĕр вăй-хала.

Пур-ха пирĕн пултарулăх,

Ӳсĕмлĕ ĕç пулмалла.

 

Тăп тăрсан çанталăк лайăх

Ĕçлемешкĕн пит аван.

Çур аки кӳрсессĕн ырлах,

Акатуй тăвас ялан.

 

Сывлăх пулсан эпир вăйлă,

Ан ӳркен, ĕçле кăна.

Ăнса пулнă кĕрхи тулă

Савăнтарĕ халь хăвна.

 

Тырă пулсан пур пуянлăх,

Шурă çăнăх, шур çăкăр!

Яшка-çăкăр пур çимелĕх,

Праçник çитсен савăнăр!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: