Çак çуркунне пулсассăн...

Василий Мач | Сăвă | 1914 | революциччен çырнисем | 445


Çак çуркунне пулсассăн,

Типĕ курăк ешерет.

Вăрман çулçа кăларсан,

Кайăк сасси илтĕнет.

Хĕрлĕ хĕвел пăхать-çке,

Курăк ӳсет ярăнса.

Тĕрлĕ çеçке ӳсет-çке,

Çынсем çӳреç савăнса.

Çак тусем те çуркунне

Пит илемлĕн курăнаç.

Тĕрлĕ тĕслĕ илемлĕ,

Хитре тумтир тăхăнаç.

Çеçкийĕсем ту çинче

Улан-улан курăнаç.

Лайăх пăхсан, çеçкесем

Кулнă пекех туйăнаç.

Çеçке çинче пыл хуртсем

Вĕçе-вĕçе çӳреççĕ;

Пылне пухса илсессĕн,

Килне вĕçсе каяççĕ.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: