Улатакка

Александр Тимбай | Сăвă | 1977 | 346


Улатакка так-так-так

Йывăçа шаккарĕ:

«Тĕрĕслес кăна пăртак,

Шĕкĕернĕ мар-и?

 

Тасатас ăна хуртран,

Ырă-сывă ӳстĕр,

Ан чирлетĕр ăнсăртран,

Сив хĕле те тӳстĕр...»

 

Çавăн пек ĕçлет каçчен

Пăшатан сăмсаллă,

Хĕрлĕ çĕлĕклĕ ĕçчен,

Ула кайăк, паллă.

 

Ĕçлеме вăл юратать,

Ун пек харсăр çук-тăр.

Йывăçа вăл сыватать,

Каснă-лартнă — тухтăр.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: