Чăваш хĕрне

Владимир Бараев | Сăвă | вăрçă | 682


Шавах «салам» тесе çыраççĕ

Çынсем çыру çырма ларсан,

А эп «мухтав» тесе пуçлатăп, —

Никам çĕнми Хĕрлĕ Çара!

 

Мухтав ăна! Вăл арăслан пек

Сиксе ӳкет тăшман çине.

Вăл хурçă аллипе турам-турамăн

Касса турать фашист пуçне.

 

Тăван çĕршыв — тăван аннемĕр

Пире вăрçа кĕме чĕнет.

— Пĕр хĕрхенмесĕр, ачасемĕр,

Тĕп тăвăр, — тет, — фашистсене.

 

Сире ырми пăхса ӳстертĕм

Мĕн ачаран телей сунса,

Таса кăкăр сĕтне çитертĕм,

Вĕçтертĕм пăхаттир туса.

 

Анчах паян мана пит йывăр:

Кăкăрăма çĕлен ĕмет,

Ун йăвине çитсе вут хурăр,

Часрах, часрах çĕнтерĕр! — тет.

 

Чăн çавăнпа вута кĕретпĕр.

Чăн çавăнпа эпир хаяр.

— Çĕршыв-анне, хăват пар, — тетпĕр, —

Сан вăюпа эпир патвар.

Çавăн пекех пăхăр

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем