Ехрем пичче
— Каласа пар, Ехрем пичче,
Чăнах та пысăк-и тĕнче?
Пуçламăшĕпеле хĕрри
Ун пур-и? Ун ăçта варри?
Чĕлĕм турта-турта пичче,
Лараканскер тулта пĕччен,
Каларĕ шухăшлăн мана,
Ялти айван хĕрача
— Ытла та пысăк вăл тĕнче,
Çак çут тĕнче ытамĕнче.
Пуçламăшĕ — тăван ялта,
Чи лайăх вырăнĕ кунта.
Варри ун — пирĕн урамра,
Курсам, шăпах вăл сан умра.
Çерем кĕççи те ват йăмра,
Çырма лапри те пур çумра.
Эп çаврăнтăм тĕнче тавра,
Ялан тăратчĕ ман умра
Çеремлĕ те йăмраллă ял,
Уç саслă хур та кăвакал.
Тус-тăвансем, ял çыннисем —
Асран кайми ятсем-сăнсем, —
Ялан çӳрерĕç юнашар,
Вĕсем пур чух эс мĕскĕн мар.
Тĕнче тавра çӳренĕ май
Чунпа эп пурăнтăм ялта.
Ют юрă илтрĕм эп нумай,
Чăваш юрри — тĕпре, шалта.
Чăваш юррипеле ташши
Çĕклерĕç ман чуна ютра.
Тăван чĕлхеçĕм чун ăшши
Пулайрĕ çавă самантра.
Шухăшсем
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...
Тĕлĕнмелле çырнă...