Ĕмĕтленетĕп кулленех

Сăртри вăрман уçланкинче

Лапка-лапка юр çăвать,

Шурă хурăн тураттинчен

Шап-шур çивĕтсем уртать.

Юр хӳнипе, пуснипе

Çĕмĕрт йывăç авăнать.

Çирĕк муртак пулнипе

Шарт! тăвать те хуçăлать.

Чăркăш чăрăш лăссисем

Симĕс тĕсне çухатман.

Çу кунĕсен ăшшисем

Паянчченех манăçман.

Пуçне тайман, авăнман

Юр капанне Улăп пек

Йăтса ларать ват юман

Хăйĕн çирĕп пĕвĕпе.

Ĕмĕтленеп кулленех

Çĕмĕрт çеçке çурасса,

Чунри сивĕ пăр кĕçех

Тумла пулса юхасса.

Çĕнĕ комментари хуш