Ак тухрăм эпĕ Атăла та...

Петĕр Хусанкай | Сăвă | Атăл | 434


Ак тухрăм эпĕ Атăла та...

Каятăп, тусăм, сывă пул!

Асра сана эп ыталатăп,

Кăкру тавра ман сылтăм хул.

 

Туятăп акă: вирлĕ-вирлĕ

Тапать сан çитĕннĕ чĕрӳ.

Ăна халь чĕре-тантăш кирлĕ,

Мĕскер вăл сăвăри хĕрӳ!

 

Тăхта эппин пăртак, ан хуçăл,

Каймастăп эп таçта юта.

Малашлăх ячĕпе чун уçă,

Пĕчченлĕхĕм те çап-çутах.

 

Тĕреклĕ, çирĕп вăйăм-халăм,

Çанталăк çех пăртак йĕпе...

Шупашкара салам эп калăп

Хам тунсăх тусăн ячĕпе.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: