Ан тив, çын юлташла асăрхаттартăр...

Николай Теветкел | Сăвă | 474


Ан тив, çын юлташла асăрхаттартăр —

калать-и хыттăн е çемçен сана,

пĕрех! — чунран юнтармăш кăмăл тартăр:

тавах ыр канашсем паракана.

Мĕнле сăнпа каларĕ вăл — тиркемĕп:

хар! кăшкăрса-и е йăваш саспа,

чăн сăмаха ялан чуна илем эп

ăш кулăри хĕвеллĕ хаваспа.

Асталăха туптар-и чăркăшмасăр,

Эппин, санпа та, критик, килĕшсе.

Сисетĕп: эсĕ пурнаймастăн мансăр,

çӳретĕн сулхăн сăнлăн, кӳлешсе.

Чĕлхӳ пăртак чăкраш та — мĕн тăвас?

Эпир те тĕл пулмастпăр-çке час-час!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: