Уйрăлу та тĕлпулу...

Уйрăлу та тĕлпулу

Çамрăк чух, яш чух.

Савнă тусăм, сан куллу

Асран тухас çук.

Çăлтăр уçă кантăкран

Кĕрес пек пăхать.

Эсĕ питĕ аякран

Пăхнăн туйăнать.

Купăс, купăс урама

Кĕвĕллĕн йыхрать.

Те чĕнет вăл калаçма,

Те тем пытарать?

Анчах ырă чунăмра,

Эп тухап чупса.

Тусăм, тусăм умăмра,

Илет чуптуса.

Уйрăлу та тĕлпулу —

Мĕн тери аван!

Кукăр-макăр кун-çулу

Тӳрленсех пырсан, —

Чăннипех аван.

Çĕнĕ комментари хуш