Тĕпче шыра!...

«Тĕпче шыра!» — тесе мана лăпканă

кĕнекесем те аслă юлташсем.

Кунçул пайтах ман ăрăва лăсканă —

пулман эпир тӳр пилĕклĕ яшсем.

Вара çуралнă пирĕнте шыравçă

пĕлӳлĕх ахахне тупса утма.

Класра ялан йĕтем çинчи пек шавччĕ...

Тепри çакна, тен, маннă, астумасть?

«Айван!» — тесе, ун пеккине шеллетĕп,

пăталанса вăл ларнă пуканпа.

Вăл тĕл пулсан та каçăр пăхĕ тетĕп,

калаçмĕ шăкăл-шăкăл сăмахпа.

Шырать вăл ĕмĕр тăршшĕпех пукан,

чĕлхе пĕлсен, леш ыйтĕччĕ: «Ку кам?»

Çĕнĕ комментари хуш