Эльба урлă танкпала каçатпăр...

Эльба урлă танкпала каçатпăр,

Ишнĕ май сирсе мăн хумсене

Кимĕри пек хамăра туятпăр,

Танк васкать çитме çыран хĕрне.

Сарăлса юхан мăнаçлă Эльба

Асилтерчĕ анлă Атăла,

Шухăшпа унта та çитрĕм эпĕ,

Ĕмĕтре тухса инçе çула.

Кĕр! кĕрлен тавралăх хурçă сассăн

Эльбăна чĕвеннĕн тăратать,

Юханшывăн леш енне каçсассăн

Асăмра çеç çак вĕçев юлать.

Çĕнĕ комментари хуш