Эс кайрăн, çĕнĕ юр çусассăн...

Эс кайрăн, çĕнĕ юр çусассăн,

ăсатрăм ал сулса пĕччен.

Çилсем çеç тунсăх пуснă саслăн

Çумра пуплетчĕç сан çинчен.

Юр çурĕ, çурĕ... Чарăнассăн

вăл туйăнмарĕ темĕнччен.

Йĕрӳсене шăлса кайсассăн,

каларăм эп: «Тĕл пуличчен!..»

Сан йĕррӳне каллех эп куртăм

асаилӳ мехелĕпе:

сӳнмерĕ манăн шанчăк-туртăм

Тĕл пуличчен! Хаклийĕ çак-тăр?

Çĕн тĕлпулу çул-йĕрĕпе

уйрăлсанах утма пуçлатпăр.

Çĕнĕ комментари хуш