Сана юратрăм

Тăван çĕршыв, сана юратрăм

Мĕн пĕчĕкрен, мĕн ачаран.

Пĕр саншăн çеç юрра шăратрăм

Чун савнăран, чун туртнăран.

Тăван çĕршыв, сана юратрăм

Ӳссе çитсен, салтак пулсан.

Пĕр саншăн çеç савса усрарăм

Хам ятăма та хам чыса.

Тăван çĕршыв, сана юратрăм:

Хам çуртăма, хам килĕме.

Сан ятупа алла ĕç тытрăм,

Вутра çĕнсессĕн вилĕме.

Тăван çĕршыв, сана юратăп

Мĕн виличчен, куç сӳниччен.

Вилсен, юрра шанса хăварăп,

Янратăр ĕмĕр сан çинчен.

Çĕнĕ комментари хуш