Укăлча умĕнче

Укăлча умĕнче шурă хурăн,

Укăлча умĕнче сирĕн кил.

Хурăнсен айĕнче савнă вырăн,

Тусăм, эсĕ тусна, тусна аса ил.

Улăх урлă, хир-вăрмансем урлă

Варкăшса иртет-и ачаш çил,

Саншăнах эп çепĕç юрă юрлăп,

Тусăм, эсĕ тусна, тусна аса ил.

Вăйăра та, çывăрма выртсан та

Ман умра — шур хурăн, сирĕн кил.

Кирек те ăçта кăна пулсан та,

Тусăм, эсĕ тусна, тусна аса ил.

Тен, унта та пур-тăр шурă хурăн,

Кăтрине лăпкать пуль ачаш çил?

Кунта акă саншăн çунса пурăн —

Тусăм, эсĕ тусна, тусна аса ил.

Çĕнĕ комментари хуш