Астумастăп халь, хăçан...

Астумастăп халь, хăçан

Хумлăн-хумлăн вĕри си

Ман юна хĕрӳн куçать —

Мĕн кĕвви, мĕскер сасси?

Кĕрлесе те янраса

Çавăрать пуçа вара.

Малтанхи хут, пуçласа,

Çавăрать те çавăрать.

Чун кĕвви пуль, ун сасси

Музыка пулса каять?

Хум çапать пек, вĕри си

Вăй вылять пек — чун туять.

Иртрĕç хурлăх хушшипе

Ытарайми самантсем —

Пĕтĕм ĕмĕр тăршшĕпе

Илтĕнсе тăрас сассем...

Çĕнĕ комментари хуш