Хăçан вăл пулнăччĕ çапла...

Хăçан вăл пулнăччĕ çапла:

Куç умĕнчех çуралнă пек —

Тĕнче, унăн çути? Кала,

Чĕрем, эп маннă пĕтĕмпех.

Чун кăна марччĕ пуль, кашни

Сисев тымарĕ таранччен

Кисреннĕччĕ эп, юн куçни

Туйнатчĕ çав тымарсенче.

Вара çывхарчĕ канлĕх те:

Чун тăнăçрĕ. Вăл, çӳллĕ чун, —

Кĕтрет çутийĕ те кĕтрет.

Çӳллĕреххи, тен, урăх çук.

Вăл кĕвĕллĕ кĕвве куçать,

Тĕнче ăс-тăнĕн сассипе

Чăн тӳпери пек калаçать.

Тĕнче çути — чуна сипет.

Тен, çав майпа, илем туйса,

«Эп» тенĕ халăн çутине

Таса саспа сăмах туса

Янратрăм килĕшӳллĕн эп?

Çĕнĕ комментари хуш