«Шупашкар-Сахалин» пуйас çук

«Шупашкар-Сахалин» пуйăс çук,

Çырусем те унта çитиччен

Çĕршер çын аллине лекĕç, тен, —

«Шупашкар-Сахалин» пуйăс çук.

«Шупашкар-Сахалин» пуйăс çук:

Вакунра хăвăрт тупнă туспа

Кĕç пуçлатăн кăна калаçу —

Анмалла...

Кĕтет урăх шăпа.

«Шупашкар-Сахалин» пуйăс çук,

Ун пек пуйăс мана кирлĕ мар.

Çынсемпе тĕл пулу нумай чух

Туйăп эп пурнăçри пĕчĕк мар

Кĕнеке страници пек хăма.

Çĕнĕ комментари хуш