Тарăн çыр уйăрса пире тăрĕ халь ĕмĕр...

Тарăн çыр уйăрса пире тăрĕ халь ĕмĕр:

сив сăмах сивĕ çил пек килет сан енчен —

уйрăлу калаçать! Ăна хирĕç ан чĕнĕр:

чечексем те шăтмаççĕ хаяр хĕл çитсен.

Халь суя шанчăкпа ăшăнса пурăнни те —

ман айванлăх кăна. Асăма эс ан тух!

эсĕ çывăх та ют: тухрĕ ман кăкăр витĕр

йывăр вăхăт сăнни — чĕрери çухату.

Ак каллех çуркунне: тĕрленет чечекпе çĕр,

кӳлĕри çарана хĕвелпе сарăлать.

Канăçне тупаймасăр ман шухăш чĕкеçĕ

çав-çавах эс тăран çыранта явăнать.

Сан енче манăн çамрăк кунсем-çке çиçеççĕ:

кам мана вĕсене каялла тавăрать?

Çĕнĕ комментари хуш