Электронлă вулавăш

Опять тоску, опять любовь

В моей душе ты заронила...

А.Кольцов

 

Каплех çав тунсăх, юрату...

Каллех эп хăр турат пек тăлăх...

Вут евĕр чупрĕ сан яту

Ăс-пуçăмпа ӳт-пĕвĕм тăрăх.

 

Пурнăçланман ĕмĕтĕмсен

Тăпри çинче тăмашкăн йывăр.

Аса илӳ сĕлĕхĕсем,

Тархасшăн ан вăранăр, çыврăр!

 

Çук. Тăрăнчĕç тӳрех чуна.

Тĕнче тапранчă мана хирĕç.

Кала, чиперĕмçĕм, мана:

Çав мĕлкесем чăнах эпир-и?

 

Пĕлтер: сар уйăх çуттинче

Шур кăкăрна чуп тăваканĕ,

Сана вилсе ыталаканĕ

Эпех-и, е ку — тĕлĕк çех?

 

«Мĕнле-ха мансăрăн?» — тесе,

Пăшăрхану куççулĕ витĕр

Ăсатаканĕ кам-ши? Çитĕ!

Палларăм, чунăм: вăл — эсех!

 

... Сикет кун-çулăн урхамахĕ,

Çĕр кукалет, турта хуçать.

Пулнишĕн айăплă хамах-и?

Е кăшт сана та çыпăçать?

 

Халь пурпĕрех. Анчах та темшĕн

Çак мĕскĕн уйăх айĕнче

Ун чухнехи хитре кунсемшĕн

Хуллен хӳхлет пек çут тĕнче.

 

Йĕретĕп эпĕ те — мĕн тăвăн? —

Кунсем иртет, çулсем иртет.

Шăпу халь санăн урăх, хăвăн,

Çĕн шухăш — кăмăл илĕртет.

 

Эп хам та малаллах пăхатăп, —

Анчах та тахăш сехетре

Килетĕн те — пуçа усатăп,

Çӳретĕп тĕксĕм инçетре.

 

Вара каллех эп тăлăх, тăлăх,

Каллех çак тунсăх, юрату...

Чупать чĕре талккишĕ тăрăх,

Нихçан та сӳнмелле, яту.

Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —

Хаклав:

Шухăшĕ: --...вăйсăр...мухтамаллах   мар...вăйлă
Чĕлхе илемлĕхĕ: --...илемсĕр...чаплах   мар...илемлĕ
Содержанийĕ: --...ăшах...вăтам...тарăн