Çĕр çул малтан çуралнисен шутне...

Çĕр çул малтан çуралнисен шутне

Кĕртсе хăш чух вăрçать мана анне:

— Çынсем укçа пухаççĕ, — тет,

Çынсем апла-капла тăваççĕ, — тет.

Мана вара пĕри те кирлĕ мар,

Чĕрем анчах упратăрччĕ кăвар.

Пуçлăхсене йăпăлтатма эп вĕренмен,

Кĕтмен телей çитессине кĕтмен.

Ĕçлетĕп, тавăрса çанна,

Шанатăп ӳçă кăмăллă çынна.

Çĕр çул малтан çуралнисен шутне

Ĕçпе кĕме пилле мана, анне!

Çĕнĕ комментари хуш