Шурăмпуç шуралса хăпарсан

Шурăмпуç шуралса хăпарсан,

Ылтăн тĕс сăрласан тӳпене,

Тăрă сывлăм çине çаруран

Сар пике хăварать хай йĕрне.

Именет-мĕн пике, именет

Куççульрен те таса сывлăмран,

Вăранан çĕр ачаш кăкрине

Пушмакпах йĕр туса таптасран.

Çутă ир — хĕр чĕри пек таса,

Ир — çĕн ĕç вăл, çĕн ĕмĕт иккен!

Хăй ĕçне, телейне юратса,

Хĕр васкать халь çапла ирсерен.

Çĕнĕ комментари хуш