Кашнин хăйĕн кăмал

Петĕр Ялгир | Шӳтлĕ сăвă | 557


Вырăс хăй мăнаçланать,

Пуçтарăнчăкки сахал.

Акăлчан чакрашланать,

Юта ятлать: «Эс кахал».

 

Америка çыннине

«Пит мухтанчăк» тет кашни.

«Сехетпе тăвать ĕçне», —

Теççĕ нимĕçсем пирки.

 

«Ăслă та чее» тесе

Мухтаççĕ яппунсене.

Тыткалать пит хĕрхенсе

Китай çынни укçине.

 

Шӳтлесе испанецсем

Ăнтараççĕ пурнăçа.

Ĕç хайлаççĕ Римрисем

Савăк юрă юрласа.

 

Француз ун-кун чупкалать,

Маларах тухас тесе.

Ĕмĕтне тек хăвалать

Çитеймеççĕ-çке ăссем.

 

Кашни хăйĕн кăлтăк пур,

Кашни хăй пек çул шырать.

Пулĕç, тен, пурте маттур,

Пĕрлĕх ешĕрсен йышра.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: