Сонет

Василий Антонов | Сăвă | 410


Кăнтăрла çаплах хĕвел çутатĕ,

Çутă уйăх ишĕ тӳпере.

Яланхи пекех этем çуратĕ

Ырă та, усал та тĕнчере.

 

Хĕл, самант çитсен, çаплах шуратĕ,

Çу — эрешлĕ ешĕлпе çĕре.

Сарă каччă сар хĕре юратĕ —

Тăсăлĕ-çке пурнăç ĕмĕре.

 

Шăнкăрч, шăпчăк тĕрлĕ çепĕç юрă

Шăратса хисеплĕç таврана.

Сăнсăрлăх, илем, хура та шурă,

 

Тăнăçлăх та ахăр самана,

Юрату, телей, нуша, терт, хурлăх —

Пурте пулĕ. Пулмăп эп кăна.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем