Ĕмĕтсем шутлаççĕ кунсене...

Ĕмĕтсем шутлаççĕ кунсене,

Çулĕсем чупаççĕ çиçĕмле:

Çамрăк ĕмĕр иртрĕ хĕмленсе,

Чун тĕрекĕ кĕчĕ чĕрӳне.

Алăкран таккать,

Кантăкран шаккать,

Хапха умне çитнĕ аллă çул.

Ан кулян, тăван,

Ан хурлан, тăван,

Тур çырнинчен çурринче сан çул.

Ĕмĕтӳ шутлатăр кунсене,

Çулусем те чупчăр çиçĕмле:

Ĕмĕтсем нумай-ха — ĕмĕре,

Çĕр çула çитмешкĕн çиçĕмле.

Çĕнĕ комментари хуш