Таврара çурхи тĕнче шăрши...

Павел Васильев | Сăвă | çуркунне | 453


Таврара çурхи тĕнче шăрши.

Сирнĕ пур чĕрчун хĕл ыйхине.

Сăмсине тĕк йăтнă та çерçи

Йышăнасшăн шăнкăрч вĕллине.

 

Капăрланĕ сад çу кунĕнче:

Йывăçсен тăртаннă папкисем.

Хĕвел ӳкнĕ аслăк хыçĕнче

Сӳс тĕвеççĕ вăрăм тунасем.

 

Ытарма çук çакăнти илем:

Утма çул анать шыв хĕррине.

Шур чăлхаллă ешĕл хурăнсем

Ушкăн хĕр пек тухнă ял вĕçне.

 

Çакăнта эп ӳснĕ пĕчĕкрен,

Çакăнтах ирттерĕп ĕмĕре.

Аттесем таптанă çĕрсенчен

Лайăххи пулсан та тĕнчере...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: