Чи лайăх вăхăта эп вăрçăра ирттертĕм...

Николай Сандров | Сăвă | 1956 | 470


Чи лайăх вăхăта эп вăрçăра ирттертĕм.

Пăрлантăм юр çинче, ислентĕм шурлăхра.

Хĕрсе ĕçлес чухне винтовкăран тĕллерĕм,

Хĕре чуп тăвас чух — юн тулчĕ çăвара.

 

Пин градуслă вутра металл та, çын та çунчĕ.

Кĕтмен хăнасене вĕрентрĕмĕр эпир.

Мускавăн çăлтăрĕ сӳнмерĕ, çутă юлчĕ,

Кăкăр тулли сывларăмăр: «Сывă пултăр мир».

 

Халь эп асилтеретĕп, халăхсем, сире:

Кун-çулăмăр килет пĕрле кар тăнинчен.

Каллех ан хыптăр вут ешерекен Çĕре,

Шутлар иртни те пуласси çинчен!

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: