Урал

Сăвă çырнă сан çинчен тĕмен¹‚

Юрă хывнă сан çинчен пайтах.

Пĕр ĕçе те эсĕ тиркемен‚

Пĕр çуйран та пăрăнман‚ паллах.

Азипе Европа ик енчен

Таянса выртаççĕ сан çине.

Эсĕ — шанчăклă тĕрекĕ вĕсен

Пулнă‚ халь те‚ пулăн малашне.

Тĕрĕсрех — вĕсен каçан шăмми.

Пĕр-пĕриншĕн — хӳтлĕх те хурал.

Çакă çĕрĕн çур чăмăр шăпи

Ытларах санран килет‚ Урал.

Шутсăр та паха пуянлăхпа

Эс тĕлĕнтеретĕн тĕнчене.

Çурлапа ĕçлен‚ мăлатукпа‚

Çумăнтан ямасăр çут хĕçне.

Эс — рабочи. Эс — хресчен. Салтак.

Пĕр тăшман сана çĕнтереймен…

Юрă хывнă çавăншăн пайтах‚

Сăвă çырнă çавăншăн тĕмен.

¹ Тĕмен — тĕнче уçлăхĕ

Çĕнĕ комментари хуш