Парне
Аттеçĕм Турă, йăлăнап:
Каçар Эс Хăвăн ывăлна,
Хăйне чармасăр кăлăхах
Вăл тунă пин-пин çылăха.
Парне пама ун çуккă сурăх,
Пусаймĕ вăл çук вăкăрне,
Куççуль тăкать, курсам Эс, Турă, —
Юхать куççуль, вĕри парне.
Эй, Турă, Эсĕ ан хăвар
Ăна пит йывăр самантра.
Чунне хур юрату-кăвар:
Вăл Саншăн ялкăшĕ — Санрах!
Парне пама ун çуккă сурăх,
Пусаймĕ вăл çук вăкăрне.
Куççуль тăкать,
курсам Эс, Турă, —
Юхать куççуль, чунтан парне.
Ан пар ултавлă явăла1
Ачаш путек пек ывăлна, —
Мухтатăр Санăн çут ятна,
Виçесĕр аслă хăватна.
Парне пама ун çуккă сурăх,
Пусаймĕ вăл çук вăкăрне.
Куççуль тăкать, курсам Эс, Турă, —
Юхать куççуль, таса парне.
Шухăшсем
Need a boost in website traffic? Our AI ...
Not getting enough leads for Chuvash? Ch...
Is your Chuvash website missing out on l...
Wanting to maximize your website ...
Want more targeted leads to your website...
Çитмĕлсенчен иртсен те, хаш сывлатпăр, А...
Цикори çинчен ытларах пĕлесшĕннччĕ ...
Замечательное поэтическое творение...
Аван çырнă вăл вăхăтра ...
Кам пĕлет И...