«Ай-хай, сăпка сикет, ярăнать...»

Юрий Сементер | Сăвă | 389


Ай-хай, сăпка сикет, ярăнать,

Сăпка тавра тĕнче çаврăнать.

Пай, пай, пайăшки,

Пилеш йывăç пĕкечи,

Уртăш йывăç сиктĕрми...

 

Ай-хай, Турикасра туй шавлать,

Шилĕк тавра тĕнче çавранать.

Пай, пай, пайăшки,

Пилеш йывăç пĕкечи,

Уртăш йывăç сиктĕрми...

 

Ай-хай, тупăк анать, çĕр хăпарать,

Тăпра тавра тĕнче çаврăнать.

Пай, пай, пайăшки,

Пилеш йывăç пĕкечи,

Уртăш йывăç сиктĕрми...

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: