Марье

Зинаида Ильина | Сăвă | Çĕнĕ Улхаш | хĕр | 438


Çĕнĕ Улхаш ялĕнче

Марье ятлă хĕр ӳсет.

Сар хĕр ашшĕ килĕнче

Такама та килĕшет.

 

Картара сăвать ĕне,

Кĕтӳ тухса хăвалать.

Картишри чăх-чĕппине

Тул сапса тăрантарать.

 

Апатланса тăрансан —

Хире ĕçе каймалла.

Хĕвел ансан, каç пулсан,

Клуба тухса чупмалла.

 

Шăллĕпеле йăмăкне

Йăпатма та ĕлкĕрет.

Пушă вăхăт пур чухне

Кĕпе çăвать, тĕр тĕрлет.

 

Юратаççĕ Марьене

Пирен ялăн каччисем.

Ăмсанаççĕ ĕçчене

Касăри хĕр-тантăшсем.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: