Çухалнă хавхалану çинчен

Парнелерĕн мана

темиçе йăлтăр çутă самант.

Эс кайсан юлнĕ тĕксĕм каçра

вĕсене эп çутатăп.

Эс хăварнă йĕре

шанчăка çухатмасăр шыратăп.

Таврăнмас таврăнми инçетрен,

чунăма ан амант!

Парнелерĕн мана

темиçе йăлтăр çутă самант,

Вĕсемпе эс хăварнă каçа,

сĕмлĕхе çутататăп.

Шăрпăк евĕр тивеççĕ...

Йĕре çухататăп —

Пурнăç çилĕ вĕрсе

сӳнтерет вĕсене! Пурпĕр шан:

ман сана тупмалла, тен, паян,

тен, ыран, тахăçан...

Çĕнĕ комментари хуш