«Эпĕ маннă, чăнахах та маннă...»

Эпĕ маннă, чăнахах та маннă

Лашапа хăçан çӳренине,

Халь пăхатăп

нихăçан курманăн

Тур лашаллă тăрантас сине.

Ăмсанатăп лавçине, мĕн калăн:

Вăл манран телейлĕрех паян,

Юлчĕç лашасем халь

пит сахаллăн,

Хушăран çеç вĕсене куран.

Çавăнпах-ши тунсăхлă ялта та,

Лашасем кирлех ăна, кирлех!

Эх, кӳлесчĕ пĕр хутчен пулсан та

Тур лаша. Кӳлейĕп-ши тинех?

Çĕнĕ комментари хуш