Тасалăх
Лапка-лапка
шап-шурă юр çăвать,
лăпка-лăпка
чуна лăплантарать.
Сукмакăм ман —
тасалăх айенче.
Пĕр паллă та тăрса юлман халь.
Шур çиттипе витĕннĕскер,
те такăр пулнă вăл,
те тумхахлă?
Лапка-лапка
шап-шурă юр çăвать,
лăпка-лăпка
чуна лăплантарать.
Ĕнер
хура чĕлхипеле
пуплетчĕ пылчăк:
«Эс манăн пул.
Эп пулăп санăн.
Ан имен,
куратăн-и,
ав сар хĕвел —
кулленчĕке кĕрсе выртма
пĕрре те хăрамасть вăл».
Ăна юр пĕрчисем пĕлмеççĕ.
Вĕсем питех те пĕчĕк.
Ĕнер
çара уран та çара пуçăн
шăнса кӳтнĕскерсем,
çул хĕрринче
тăпăртатса тăратчĕç йывăçсем.
Ăна
юр пĕрчисем пĕлмеççĕ.
Ĕнерхи каç тӳпе хураччĕ.
Çăватчĕ тĕттемлĕх —
çулсем çине,
çуртсем çине,
чӳречесен çути çине.
Юр пĕрчисем ăна пĕлмеççĕ.
Вĕсем
тасалăх илсе килнĕ.
Лапка-лапка
шап-шурă юр çăвать.
Лăпка-лăпка
чуна лăплантарать.
Йĕри-тавралăхра
пин-пин çурта çунса
тăрать пек.
Шухăшсем
Повысьте эффективность своего производс...
Is low website traffic holding you back?...
Struggling to get the right visitors to ...
Struggling to get targeted leads to your...
Лазерный уровень легко помещается в су...
Повысьте эффективность своего производс...
Лазерный уровень легко помещается в су...
Здесь вы сможете найти поставщиков удоб...
Цикори çинчен ытларах пĕлесшĕннччĕ ...
Замечательное поэтическое творение...