«Хайласа калаçмăп сан çинчен...»

Хайласа калаçмăп сан çинчен,

Ырă та, усал та сăмахламăп.

Эсĕ халь манран инçе-инçе,

Хушшăмăра ӳкрĕ миçе талăк?

Хам чĕнмерĕм — айăплă хамах.

Пĕлтермерĕм шухăш-туйăма эп.

Ĕмĕтленнĕ ĕмĕт кăлăхах

Татăлчĕ пулсассăн — хамăн айăп.

Ăнсăртран тухинччĕ те умма

Авăсинччĕ, ирĕклĕ çунатăм!

Пурнăçăм ман тĕлĕк те юмах,

Эсĕ çук та — çулăмсăр çунатăп.

Çĕнĕ комментари хуш