«Хама-хам эп çĕрĕ пек туяттăм...»

Мĕншĕн çук-ши ман асамлă çĕрĕ?

Денис Гордеев сăввинчен

Хама-хам эп çĕрĕ пек туяттăм —

Аллунти пĕр пĕчĕк çĕрĕ пек.

Çуттăм пурччĕ, пурччĕ сумлă ятăм,

Çĕрĕ çĕтрĕ — тупăнчĕ инкек.

Манран çутă халĕ каçхи уйăх,

Ир шевлийĕ темтĕр çутăрах.

Эпĕ саншăн ĕнтĕ тĕксĕм тутăх,

Кирлĕ мар та кивĕ пĕр хăрах.

Кирлеми мĕн тутăр çухалмасăр?

Кам упратăр киввине вăрах?

Çĕрĕ çукшăн пӳрнĕре ан касăр —

Таçти мар, çумри вĕт хаклăрах!

Çĕнĕ комментари хуш