Умăртан иртнĕ чух…

Сăвар Эртиван | Юрă | 1976 | 514


Умăртан утса-чупса иртнĕ чух

Шапăрах та саланчĕ çут шăрçа.

Пухрăмах та пухрăм – пĕтмерĕ,

Çиппинех те тиртĕм – çитмерĕ.

 

Васкаса пулăшăн-ха тенĕччĕ.

Вăтанса куçран пăхăн тенĕччĕ.

Васкамарăн, куçран пăхмарăн,

Хĕр инкекне темшĕн курмарăн.

 

Çĕн кĕпен те аркийĕ тĕрĕллĕ,

Мамăках та тӳшекĕн çитти пӳс.

Хĕр чĕри çуннине кам чухлĕ,

Чун савни сисиччен йĕр те тӳс.

 

Умăртан утса-чупса иртнĕ чух

Шапăрах та саланчĕ çут шăрçа.

Пухрăмах та пухрăм – пĕтмерĕ,

Çиппинех те тиртĕм – çитмерĕ.

 

28.02.1976.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: