«Ачалăхри ачаш ачашлăха...»

Юхма Мишши | Сăвă | 1959 | 508


Ачалăхри ачаш ачашлăха

Сана йăлт патăм эп, савниçĕм.

Çитес кунри маттур пуласлăха

Санпа пайларăм эп, савниçĕм.

 

Ан айăпла, ачашлăхăм сахал, —

Ачалăхăм пулман пылак çӳпçеллĕ.

Вут-саманан савма пулмарĕ хал,

Асапĕ — пит çӳллĕ тӳпеллĕ.

 

Хăрушă вăрçă, выçлăх, çухату, —

Çăка çулçи çиме çитмерĕ...

Çапах пуласлăха хуçмарĕ тупату,

Мăнаçлăха асап витмерĕ.

 

Ан айăпла, ачашлăхăм сахал,

Ун вырăнне — пайтах тасалăх.

Пуласлăх пысăк, чунăмра пур хал,

Кӳр аллуна, чĕнет пире пуласлăх.

 

08.12.1959.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: