Ким чечек

Николай Ишентей | Сăвă | чечек | 394


Ким чечекĕме шыраттăм

Анлă, ешĕл улăхра.

Тупрăм. Чăтаймарăм. Татрам —

Пултăр-и ялан çумра.

 

Тек сив çил сана хăратмĕ,

Тăм ӳкни хăрушă мар.

Ешĕлскерĕм, пит юратрăм —

Таврана ыр шăршă сар.

 

Пурте пултăр: ăшă, çутă...

Савăтра шыв тап-таса.

Çук чару та, ятлаçу та —

Пурăнасчĕ савăнса.

 

Ким чечекĕм шăппăн, юттăн,

Хурлăхлăн пăхать куçран:

Халăхăн та кунĕ шутлă

Уйăрсассăн тымартан.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: