Ким чечек

Ким чечекĕме шыраттăм

Анлă, ешĕл улăхра.

Тупрăм. Чăтаймарăм. Татрам —

Пултăр-и ялан çумра.

Тек сив çил сана хăратмĕ,

Тăм ӳкни хăрушă мар.

Ешĕлскерĕм, пит юратрăм —

Таврана ыр шăршă сар.

Пурте пултăр: ăшă, çутă...

Савăтра шыв тап-таса.

Çук чару та, ятлаçу та —

Пурăнасчĕ савăнса.

Ким чечекĕм шăппăн, юттăн,

Хурлăхлăн пăхать куçран:

Халăхăн та кунĕ шутлă

Уйăрсассăн тымартан.

Çĕнĕ комментари хуш