«Кашни ăру ĕненĕвне...»

Николай Ишентей | Сăвă | 294


Кашни ăру ĕненĕвне

Упрать пĕр самана кăна.

Ĕненмесен этем хăйне,

Йăван та юл мăн çул хĕрне.

 

Кашни ăру ăс-хакăлне

Туптать пĕр самана кăна.

Вăл çав ăс-хакăл аллине

Парать çĕр-шыв ăраскалне.

 

Кашни ăру ĕçне-хĕлне

Курать пĕр самана кăна.

Хурать те тараса çине,

Килес ăру парать хакне.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ: