«Пусă урлă палан туртрĕ кăчăк...»

Николай Ишентей | Сăвă | 475


Пусă урлă палан туртрĕ кăчăк.

Шурĕç икĕ енпе чечексем.

Хăш тĕле ларнă-ши пĕчĕк шăпчăк

Шыльăкри хĕр пекех пĕркенсе.

 

Тем тесен те сулламĕ сăлтавсăр

Тутăр евĕр шап-шур çеçкине.

Ах, пĕркенчĕк пек ешĕл пустав пур —

Кураймарăм илем кайăкне.

 

Чи кĕске каçсене ăсатать-ши?

Каçсерен лăпланса çывăрмасть.

Е хаяр куçсенчен пытанать-ши

Юрату юррине юрлама?

 

Çут çанталăк ăна асамланă —

Сасă панă чи янкăссине.

Тĕм ăшне мĕн пирки эс пытаннă?

Кăтартсамччĕ сăнна тĕнчене.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем