Чун хĕпертет

Николай Дворов | Сăвă | 656


Çултан килсен чун хĕпĕртет:

Хама туятăп питĕ çăмăл.

Хавас чĕре тĕпĕртетет —

Нихçанхинчен те уçă кăмăл.

 

Çĕнтернĕ пек пур йывăра

Çан-çурăм каннине туятăп.

Кăштах канма выртсан вара

Тӳлĕккĕн çывăрса каятăп.

 

Пăшăрханма сăлтавĕ çук, —

Ĕмĕтленни йăлтах-çке пулнă.

Пулмарĕ пушă тухнă çул,

Шăп çавăнпах та кăмăл тулнă.

 

Эп уншăн тав тăвап Турра, —

Вăл хушнăран пуль ĕçĕм тухрĕ.

Эппин, шанатăп: вăл пурах,

Ăна хĕрес хывсах тав турăм.

 

Ангелăмпа пĕрле пулни

Пур ĕçĕмре те пулăшайрĕ.

Вăл-çке мана сыхлаканни,

Ман кĕлтуни усса, ав, кайрĕ.

 

Ĕçе йăлт ангелпа тунин

Пайталăхне чунпа туятăп.

Хăвачĕ ун — пĕрле пулни,

Çакна тĕп вырăна хуратăп.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем