«Чечняра юн юхать...»

Сăкăт Ванькки | Сăвă | 1997 | Чечня | 504


Чечняра юн юхать,

Чечняра чун тухать.

Вĕлереççĕ пире,

Вĕлереççĕ пире.

 

Сыхлама Çĕр чысне

Кĕтĕм вăрçă вутне —

Йывăр-çке чĕрене,

Йывăр-çке чĕрене.

 

Канăç çук кун та каç,

Пуç йăтма юрамасть.

Лектереç çамкаран,

Лектереç çамкаран.

 

Мĕн чул çамрăк салтак

Шăтнăран тĕк пăртак

Хучĕç-çке пуçсене,

Хучĕç-çке пуçсене.

 

Эпĕ хам та вутра,

Чечняри тамăкра

Çунтăм икĕ хӳтчен,

Çунтăм икĕ хутчен.

 

Пултăм эп сахал мар,

Вилĕмпе юнашар,

Анчах юлтăм тăрса,

Анчах юлтăм тăрса.

 

01.02.1997.

add comment Çĕнĕ комментари хуш


Ят:
Хăвăр шухăша çырса пĕлтерĕр:

Ă ă Ĕ ĕ Ç ç Ÿ ÿ Ӳ ӳ « ... » —
Хаклав:
Шухăшĕ:
Чĕлхе илемлĕхĕ:
Содержанийĕ:

Шухăшсем